علّق الفنان سعد الصغير على اتهامات الراقصة شمس له بتهديدها وتصويرها وهي مجردة من الملابس، مؤكدًا أنها كانت تلتقط صورا معه بإرادتها.

وقال سعد الصغير في تصريحات صحفية، "أنا أبويا مربيني وبتقول عليا كدا لأني كنت ببعتلها فلوس وبطلت من وقت الكورونا، وإزاي صورتها وهي اللي كانت بتحضني في المطار وتتصور معايا وتقولي لي أنت حبي الأول والأخير وقولتلها بردو مش هبعت فلوس مش كل شوية، كفاية".

وأضاف: "شمس بتطلع شكلي وحش قدام الناس ومع ذلك أنا مش هطلع شكلها وحش ولا هفتري عليها، وهي بتنسى تقول إنها جالها فيلا وعربية، وإني ببعت لها فلوس هي دي كمان فيها كدب؟ يبقى الورق اللي معايا مش بيكدب".

وسبق ووجه سعد الصغير رسالة لـ"شمس"، قائلا: كفاية افترى أنا بصرف عليكي بقالي 7 سنين بشكل متواصل لأنك متبنية بنت، وبعمل كدا عشان خاطرها، لدرجة إنك كنتي بتكلمي مراتي برلنتي وتقولي لها خلي سعد يبعت فلوس، وأنا بقولك ارجعي مصر وهتبنى ليكي البنت لأن أنتي رقاصة ومينفعش تتبني، وكمان هعمل لها وديعة في البنك بشرط تسيبي الرقص".