حل المطرب فارس ضيفا على برنامج “كلام الناس”، المذاع على قناة mbc مصر، وتقدمه الإعلامية ياسمين عز، ليتحدث لأول مرة عن سبب غيابه عن الوسط الفني.

وقال فارس عن غيابه: “حسيت إن الفن ممكن يقف قدام حاجات كتير أوي شخصية، ودي غلطة أنا ندمان عليها ومكنش ينفع أعملها، واكتشفت إن الفن ملهوش علاقة بين حياتي الأسرية وحتى ام سيبت الفن كان فيه مشاكل بردو فعرفت ان المشكلة فيا أنا وأنا اللي مكنتش عارفة أوفق، والعيلة عندي أهم حاجة في الدنيا، فمكنتش حابب إني أخسرها”.

وتابع فارس حديثه قائلا: “بعدت عشان كنت بعاقب نفسي وعقبت نفسي كتير وكنت ديما بقول إن ده غلط، لازم الفنان يشتغل، أحمد زكي قابلني وقالي أنا شوفت الفيلم بتاعك افضل اشتغل على طول ودي حاجة مسمعتش كلامه فيها، مكنش مهم أنجح بس أكون موجود، والحقيقة ان الفن بيرقي الإحساس وبيخلي الإنسان كويس والغلطة كانت عندي أنا، أنا من الشخصيات اللي بتغلط بتعاقب نفسها”.