كشفت الإعلامية أميرة عبيد الفرق بين الرجل البار وبين ابن أمه، قائلة: "الفرق هو إن البار كلنا عرفينه لكن ابن أمه بار بزيادة بضمير بيقين وعارف كويس إن الأم لا تعوض وإن أمه لو مش بتحب الخير لابنها ولمرات ابنها مكنتش هتواقف إنه يتجوز أصلا".

وتابعت أميرة عبيد خلال تقديم برنامج "هي وهما" على قناة الحدث اليوم، دايماً الأم بتحس بمرات ابنها لو فعلا بتحب أبنها بإخلاص هتحس ولو بتحب ابنها حب امتلاك بردو هتحس عشان كده بيكون في خلافات بين الزوجة وحماتها وتلاقي مرات الابن عايزة تعمل راسها براس حماتها وأول ما زوجها يحط النقط علي الحروف و يقول الحق ؟ علي طول يتقال عليه ده ابن أمه .. ولما يحصل نفس المشاهد مع أمها ضد مراتٍ أخوها تلاقي كمية تناقض مش طبيعية ضد أي حد يجي علي ولدتها ليه".
أضافت أميرة عبيد، مفيش عدل ولا إنصاف عند بعض الستات اللي مش فهمين إن الرجل لو ملهوش خير في أمه مستحيل يكون في خير لي أي حد في الدنيا حتي نفسه أبن أمه كنز خافي عليه.