أوضحت الإعلامية أميرة عبيد، العديد من الأسباب التي تؤدي إلى فقدان السعادة الزوجة، قائلة: (أحلام اليقظة) اللي معظمنا عايش فيها يعني إيه ؟

وأضافت أميرة عبيد خلال تقديم برنامج "هي وهما" على قناة الحدث اليوم، كل طرف من الزوجين بيكون راسم في أحلامه وخيالة صورة مثالية لشخص اللي عايش معاه، ومع ضغوط الحياة وتقلبات المزاج اللي كل إنسان طبيعي بيعشها بيكون رد فعله غريب على الطرف الآخر ومن هنا يبدأ كل واحد فيهم شعر إنه اتخدع وإن مش هي دي الحياة اللي رسمها في خيالة واللي فضل يحلم بيها في اليقظة".

تابعت، "مع مرور الوقت تبدأ المشاكل على اتفه الأسباب ويفضل كل طرف من دول عينه حيرنانة وزايغة على حياة غيرة اللي هي في الأساس قشرة من برا، هي تبص على الأشياء اللي في إيد غيرها وهو نفس الشيء والشعور بنقص والاحتياج يتصاعد حتي يفقدا الرضا عن بعض في كل الأشياء حتي ولو كانت أشياء ثمينة.