شخص غير مريح في كلامه ووجوده معاك....
حياته كلها مجرد مجموعة اوامر ونواهي..
متصور انه الوحيد اللي بيفهم في كل حاجه
وياسلام لو قولتله..طيب ممكن تقنعني..
يبقى كده غلطت غلطة عمرك في حقة
السؤال...
ازاي نعرف الشخصية دي ؟
اولا..
كل كلامه معاك انتقاد وتهكم وسخرية..
ومن طرف واحد بس.. هو يقولك....
والمفروض إنت تنفذ من غير ماتقوله ليه.
ثانيا..
لو عملت حاجه بدون ماترجعله وفشلت فيها
يبقى اديته فرصة ذهبية سانحه علشان يفضل يلومك
ويمص دمك وياخد غلطتك دي لإدانتك .
فترات طويله تصل لسنوات....
ثالثا...
عاوزك تكون مسخر كل حياتك علشان خاطر عيونه
يكره يشوفك مع اي حد انت بتحبه وبتميل ليه
رابعا..
دائمآ ما يكون معك منان ولازم يفكرك في كل لحظه
انه صاحب فضل عليك وأنك من غيره ماتعرفش تتصرف
خامسا.
ينتابه غضب شديد منك لو اتأخرت ..
في تنفيذ اي حاجه محتاجها منك.
لأنه مابيعرفش حاجه اسمها التماس الاعذار
سادسا..
يسعى بكل قوته علشان يخليك تشك في نفسك.
ويهز ثقتك بنفسك ويخليك مسخ...
ويحاول بكل الطرق يثبتلك إن افكارك مجرد اوهام وخيالات
سابعا..
لما تتكلم معاه في اي نجاح يخصك...
يبدأ يغلوش على كلامك ..
و يبحث عن اي موضوع يخليك تتنكد..
ثامنا..
اسوء شيىء بالنسبة ليه انك تقوله (لأ ) وترفض طلبه
ساعتها ممكن يتحول الى كتله من الغضب.
الشخصية دي..
ماينفعش تبقى شريك حياة للشخصية المنفتحة المرنه.
لأن الشخصية المنفتحه لا تقبل تنفيذ الافعال والاوامر
إلا بعد المناقشة والحوار والاقتناع ..
ياريت ندقق إختيار شركاء حياتنا.