أنت بتشبه حدا تاني حدا كتير غريب عليا ، حدا لا بعرفه و لا بيعرفني ، حدا كتير بعيد لا بيشبهني و لا بشبه، أنت صرت حدا تاني حدا غامض متل عتمة ليل عم بنئهر عن أيام كنت فيها متل الشمس عم تشرق و عم تضوي حياة كل يلي حواليك.

خبرني بس شو صاير من ايمتى صرت هيك من ايمتى صرت قاسي من ايمتى صرت أناني وجاي هلا بكل عين عم تسألني ليش تغيرتي و أنا صارلي عمر عم بسألك عن انتا القديم عن الطفل يلي كان جواتك عن الرحمة و الطيبة عن العفوية و التلقائية عن الرجولة و الشهامة، عن الرجال الشرقي يلي بيحب بكل البه و بيحمي حبيبته بروحه.

لك شو صاير خبرني أنت وين و أنا وين لك في كل المطارح و معاد تلاقينا ، شو بدي خبرك دخلك يمكن هالخبرية بتصحى فيك كتير أشياء ،يمكن بدي خبرك عن الماضي الكتير حلو ،عن سطور يلي كتبتها فيني ،عن البك يلي كان كتير كبير و بيوسع كل شيء.

يا الله لهاي الدرجة الحياة بتغير ،لهاي الدرجة الإنسان بينسى طيب انتا نسيت أنا كيف بدي أنسى ،كيف بدي كفي حياتي ،كيف بدي لملم كل جروحي لك ما عم تشوف كل جروحي يلي،عم تنزف لك صرت أعمى لك صرت حدا ما بيشبه الرجال يلي حبيته.

لك ما عم صدق ،بدي كذب حالي ،بدي كذب كل شيء إلا أنت يا ريت كل شيء بيكون كذب إلا أنت
يا ريت لو بفهم بس شو صاير شو يلي أخذ عقلك منك.

لك أنا وين و أنت وين جاي هلا عم تتندم شو راح ينفعك الندم لو بحكيلك عن أيامي الصعبة يلي كنت عم عدها ، لكن أنا ماني مصدئة أنه خلاص عم بتنفس أنه حرقت كل أوراقك ، صورك و ذكرياتك حتى اسمك أنا نسيته أول حروفك و آخر كلماتك لك دخلك شو جابك هلا بدك تصحى وجع من جديد أو تسرق روح بدها تعيش.

اتركني و فل لأنه كل كلامك معاد ينفع أنا صرت ما عم اسمعك و لا بدي اسمعك خلاص بيكفي كل سنوات يلي مرت عليا جاي هلا بعد شو دخلك شو بتعرف أنه حتى شكلك معاد يخطر على بالي لأنك صرت بتشبه غريب مر في شئ طريق صدفة.

أنت صرت غريب حدا ما بعرفه و لا عمري لمحته قبل هيك ، فل يلا فل روح دور على حبيبتك في مطرح غير هيدا المطرح باكدلك تعبك ماراح يفيدك بشيء، لك الجرج لما بينزف معاد بدو يذوق هيدا الوجع من جديد والذكريات لما بتموت معاد ترجع من جديد و أنا قتلت كل شئ عنده علاقة فيك حتى أنت شو بدي ساويلك هلا ليش عم تترجاني بعد شو دخلك شو روح اسأل حالك قبل ما تسألني.

شو بدك مني هلا جاي عم بتحقق خايف لا يكون مطرحك في قلبي سرقو حدا تاني ،لك غرورك ما بيسمحلك و عقلك معاد يصدق ،لك خبرو دخلك يصدق معاد انتا بتخطر على باله لك حتى ألبي معاد يدق لحظة ما يشوفك شو بدك أكتر من هيك خبرية.

بدي خبرك بالنهاية عن السعادة يلي صرت انا عم عيشها عن حالتي لكتير منيحة شو كنت فاكر دخلك ضلني طول حياتي أبكى عليك كرامة عيونك أنا فيني دوس على كل شئ حتى قلبي بعرف أنو عقلك معاد يستوعب أنو ألبي يبطل يحبك شو بدو فيك دخلو شو بدو ،الألب لحظة ما بينزف خلاص لحظتها يبطل يحب.