شن الإعلامي محمد موسى، هجوما حادا على الفنان محمد رمضان بعد واقعة تشاجره مع أحد الشباب في الساحل الشمالي، وصفعه على وجهه، فيما رد الأخير الضعفة للفنان.
وقال محمد موسى خلال تقديم برنامج "خط أحمر" على قناة الحدث اليوم،: "كل التحية للشاب اللي أخد حقه وقتي ورد القلم بقلم وعايز أقوله أبوك راجل لأنك مسبتش حقك وأديت الكل درس ميتنسيش".
تابع،: "هو الأخ محمد مرضان فاكر نفسه إيه عشان يضرب مواطن بالقلم .. هي دي النجومية يا نمبر مرضان هي النجومية أنك تضرب الناس ولا محدش قالك قبل كده يعني أيه نجومية للأسف أنا قلت قبل كده قبل ما تصنعوا أبطال من ورق علموهم أدبيات النجومية وأصولها".
ووجه محمد موسى رسالة لـ محمد رمضان قائلا: "الناس فعلاً كرهتك بسبب تصرفاتك غير المقبولة من وقت للتاني ودليل كلامي شوف إيرادات شغلك بقت عاملة ازاي وتدنت ازاي والمنتجين بقوا يخافوا يشغلوك وحتي لو تصالحت مع الشاب ازاي هتتصالح مع الجمهور اللي كل يوم بتعمل تصرف يخليك تخسره يارب الرسالة تكون وصلت .