ودع علي لطفي حارس مرمى نادي الأهلي، جماهير فريقه برسالة مؤثرة بعد رحيله رسميا عن القلعة الحمراء، بعد مسيرة دامت لـ 6 سنوات.

وكان نادي زد، الصاعد حديثا للدوري الممتاز، قد أتم إجراءات تعاقده مع علي لطفي لمدة 4 سنوات، ليرحل رسميا عن صفوف القلعة الحمراء.

وكتب لطفي عبر حسابه الرسمي على «إنستجرام»، اليوم الأحد: «مش عارف ابدأ منين ولا منين بس جوايا مشاعر، مش عارف أعبر عنها، النهارده آخر يوم ليا في النادي اللي كان حلم حياتي إني ألعب فيه من أول ما بدأت ألعب كرة».

وأضاف: «النادي اللي قضيت جواه أحسن 6 سنين في حياتي، حققت فيه بطولات وإنجازات هتفضل وسام علي صدري 6 سنوات، شوفت فيهم كل الحب والاحترام من كل فرد في منظومة النادي الأهلي».

وتابع لطفي: «ويعلم ربنا إني مقصرتش يوم في حق النادي 6 سنين، كان نفسي يبقوا 30 سنة بس دي سنة الحياة، و حابب أشكر إدارة النادي بقيادة الأسطورة محمود الخطيب أنه تفهم موقفي إني حابب أطلع وأشارك؛ لأن التواجد في الملعب هي الحاجة الوحيدة اللي ممكن ترضي أي لاعيب كرة».

وأتم: «ومكنتش هفكر أسيب النادي الأهلي، إلا لما الاقي مشروع كروي كبير يرتقي لطموحاتي اللي اتعودت عليها جوه النادي الأهلي، ولقيت كل الي بدور عليه في منظومة نادي "ZED" المحترمة و المحترفة بما تحمل الكلمة من معاني.. والله الموفق و المستعان و نسألكم الدعاء بالتوفيق و السداد».