كشف الفنان عمر الشناوي عن تفاصيل علاقته بـ ابن زوجته حمزة، وذلك خلال لقاء له ببرنامج الستات ميعرفوش يكدبوا المذاع عبر شاشة تلفزيون قناة سي بي سي.

وقال عمر الشناوي: حمزة ابن مراتي عايش معانا في أيام الأسبوع اللي هي الخمس الأيام المدرسية، وفي الإجازة بيبقى مع باباه، واحنا عايشين مع بعض 6 سنين دلوقتي.

وتابع: وهو ذكي ذكاء خارق، مخه أكبر من سنه بكتير، ودايما بيطلعني غلطان، ولما يسألني سؤال علمي فأرد يقوم مصححلي، وحمزة هو ابن محمد الكيلاني، وأنا مش بعتبره صديقي، احنا ولادنا اخوات فهو أخويا.

أما عن علاقته بزوجته قال عمر الشناوي: أنا كنت متجوز قبل هند مراتي والجوازة قعدت 3 سنين، وبعدها كان فيه فترة تخبيطية في حياتي، وارتباك فكري، لحد ما قابلت هند، كانت حقيقية معندهاش تلاعب في الكلام ولا في الفكر، وأهلها من أجمل البني آدمين اللي قابلتهم في حياتي.