قال الفنان محمد فؤاد، إنه لا يمانع من المشاركة في برامج المقالب لرامز جلال مرة أخرى، موضحًا: "رحت وهروح له تاني، والهجوم على رامز أنا مقبلهوش، وعموما لو الواحد عرف إيه اللي هيحصل بالظبط الحلقة تبوظ".

وأضاف "فؤاد"، خلال حواره مع الإعلامية بسمة وهبة مقدمة برنامج "العرافة"، على قناة "المحور"، وقناة "النهار": "السوشيال ميديا بقى فيها سم قاتل، كل واحد عمال يفتي براحته، في اللي خايف عليّ بجد، لكن رامز ابني وحبيبي وأي نجاح له يسعدني".

وحول غضب بعض الموسيقيين مما وصفوه بـ"إهانة مصطفى كامل" في البرنامج، قال: "الموضوع كان هزار، مش عاوز السواد ده يبقى موجود، كل خطوة لينا بقى فيها سواد، أنا هتجنن في الموضوع ده، مش هنعرف نتعامل مع بعض".

ويعد برنامج «العرافة»، امتدادا لبرامج بسمة وهبة الرمضانية، والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للضيوف.