توعد الإعلامي محمد موسى، ما أسماه بـ" مهرونيستا ""محامي الزواج الشفهي"، قائلا: أنت فاهم غلط يانكرة التهزيق مبيعملش شهرة التهزيق بيقل منك يا مشبوه.. عايز أقولك أن النهاردة الكلام في أوله ومش هيخلص بسهولة ولا هينتهي لأني هروقك هنا وفي المحاكم .
وأضاف محمد موسى خلال تقديم برنامج "خط أحمر" على قناة الحدث اليوم، "أنا مشوفتش حد مكروه قد ما أنت مكروه .. يا أخي ده أكتر من عشرين محامي محترم أعلنوا الانضمام لـ "جيهان العراقية" ضدك وكلهم محامين كبار.. أنت نفسك تحطني في جملة مفيدة معاك عشان تتشهر علي حسي بس مش هنولهالك ودي الحلقة الأولي لك هنا في البرنامج واللي جاي مش هتقدر عليه سواء إعلام أو قانون".
تابع، أوعي تكون فاكر أنك هتشتت الناس وتبعدهم عن متابعة قضية عبدالله رشدي لاننا مش هنبطل كلام فيها الا لما تنتهي رسمياً يعني محاولاتك كلها بلح .. والحقيقة مش فاهم هل أنت صورة كويسة للشيخ بتاعك عشان يوكلك كمحامي عنه ضروري الشيخ يفكر في الكلام ده .. لأنك ضريته أكتر ما أفدته أه والله ... أه والله أنت نقمه عليه" .