واصل الإعلامي محمد موسى هجومه على ما أسماه بـ" مهرونيستا ""محامي الزواج الشفهي"، قائلا: المتحرش تم مجازاته من محل عمله بخصم يومين من المرتب بتاعه في شهر مايو 2013 بسبب إنه سلك مسلك معيب.. ده حسب نص التحقيقات.. أنه ارتكب أفعال تخرج عن مقتضي اللياقة والاحترام مع سيدتين بالمستشفى.

وأضاف محمد موسى خلال تقديم برنامج "خط أحمر" على قناة الحدث اليوم، المحامي المتحرش النكرة تاريخه أسود ومليان بالكوارث.. لكن خليني اتكلم عن التطور اللي شهدته مسيرة المتحرش المسيئة".

تابع، "هو في الأساس كان حاصل علي دبلوم متوسط وكان بيشتغل في التمريض طول عمره ولكن فجأة ويمكن بسبب التحقيقات اللي كان كل يوم والتاني يتساءل فيه قرر أنه يذاكر وأنه يحصل علي مؤهل عالي فراح ذاكر حقوق بالتعليم المفتوح وحصل علي المؤهل وغير شوية من نفسه .. أهو بدل ما يفضل ممرض أهو يتقال عنه محامي".

استطرد، "أنت فاهم غلط يا نكرة التهزيق مبيعملش شهرة التهزيق بيقل منك يامشبوه ... عايز أقولك أن النهاردة الكلام في أوله ومش هيخلص بسهولة ولا هينتهي لأني هروقك هنا وفي المحاكم يا ميهرونستا.