فتح الإعلامي محمد موسى، النار على خبيرة الإتيكيت والإعلامية أمينة شلباية، بسبب تصريحاتها والتي جاءت فحواها: "لو جوزك إتكرع قدامك اخلعيه".

وقال محمد موسى خلال تقديم برنامج "خط أحمر" على قناة الحدث اليوم، "وبعدين أنا عايز أسألك سؤال جوزك بيتكرع زي الناس الطبعيين ولا إنتي ظابطه تكريعته علي الوضع الصامت؟".

تابع: "والله يا حاجة أمينة أنا شايف إنك محتاجة حد يعلمك الايتكيت لأن وضعك ملخبط ومش مفهوم ويبدو إنك متعرفيش يعني إيه ايتكيت لأنك لو تعرفي مكنتيش تنصحي الستات بالكلام الأجوف ده".

وأضاف: "معنى كلمة إيتكيت هو كل ما يخص العادات والتقاليد والقيام والأخلاق وإنتي عمرك ما تكلمتي عنهم ولا عن الأصول ياريت تتعلمي قبل ما تتكلمي".