قالت الإعلامية أميرة عبيد، إن مرض إدمان المخدرات من أصعب الأمراض التي تصيب الإنسان، مضيفة: لأنها مش بس بتضر المريض فقط لا دي بتهد أسرة كاملة، كام أب وكام أم مكسورين بسبب ابنهم المدمن".

وأضافت أميرة عبيد خلال تقديم برنامج "هي وهما" على قناة الحدث اليوم، صندوق مكافحة الإدمان أوضح أن نسب تعاطي المخدرات في مصر ضعف المعدلات العالمية .. ودي كارثة كبيرة المجتمع بيمر بيها، ولما نيجي ندور علي مشاكل الادمان هنلاقي الادمان سبب رئيسي في البطالة مش قلة الشغل الحاجة اللي ناس كتير بتتحجج بيها، وكمان الادمان سبب رئيسي في انتشار الجرائم نتيجة ذهاب العقل.. طول ما مصر بتحتل المراتب الأولي في نسب الطلاق بردود هنحتل المراتب الأولي كمان في الإدمان والجرائم والبطالة".

وتابعت: "مبقاش عندنا في بيوتنا الوازع الديني اللي بننهض به في كل مشاكلنا وازماتنا ، مبقاش عندنا قدسية الست لجوزها واحتواء الزوج لزوجته أمام أولادهم، مبقاش عندنا لمة الأسرة علي سفرة واحدة زي لمه الطبلية زمان".