أوضحت الإعلامية أميرة عبيد، العديد من الصفات السيئة التي تتسبب في فشل العلاقة بين الزوجين.

وأضافت أميرة عبيد خلال تقديم برنامج "هي وهما" على قناة الحدث اليوم، «الخيانة والشك والبخل والكذب وعدم الاحترام بين الطرفين .. ولكن أنا بقول كل الصفات دي صعبة ومش مستحبة أكيد ولكن ممكن تعدي ومع الوقت بتتغير خصوصاً لما تكون العلاقة الزوجية قوية.. حاجة واحدة بس اللي قادرة تدمر أي علاقة حب وزواج في الدنيا الحاجة دي هي (القسوة).

تابعت، الإنسان القاسي مستحيل يعمر في العلاقة مهما كانت قويه ليه .. عشان الإنسان القاسي مش بيخاف علي مشاعر اللي معاه ولا بيفرق عنده ألم الطرف الآخر القسوة هي أبشع الصفات لأنها بتكون عنوان كل الصفات السيئة كل حاجة في الدنيا ليها وقفة إلا القسوة ملهاش حل».