أعرب الإعلامي محمد موسى، عن حزنه الشديد بسبب وفاة الشيخ "محمد عبد العليم بدوي" 42 عامًا، إثر قيام أحد الأهالي بسبه وشتمه بوالدته أثناء صلاة الجمعة.

وقال محمد موسى خلال تقديم برنامج "خط أحمر" على قناة الحدث اليوم، الكلمة مسؤولية.. الجملة دي مش فراغ .. الكلمة اللي بتقولها دي زي الطلقة ممكن تموت.. واحد مات بسبب ناس فقدوا أدميتهم وسخروا منه وتنمروا عليه.

تابع، "الناس حاولوا ينزلوه بالقوة من على المنبر دون أي مراعاة لحرمة المسجد .. لكنه استمر فتعدى عليه أحد المصلين وقاله إنت بتهلفط في الكلام.. سيب المايك بروح أمك رد عليه الشيخ محمد وقاله الله يسامحك كمل الراجل الصلاة وبكي وهو سجوده ولما صلى أول حاجة قالها حسبي الله ونعم الوكيل وروح بيته ومات.
استكمل، بغض النظر عن اللي قاله الشيخ على المنبر وبغض النظر عن السبب اللي خلى الناس تهاجمه كده .. لكن الراجل قال كلمتين في الخطبة وخلص.. تتنمروا عليه وتموتوه.. التنمر ده جريمة قتل لازم نتصدى له.. الموت قهرا ده شيء مؤلم جدا".