فتح الإعلامي محمد موسى، النار على الفنان محمد رمضان مجددا، بعد إلغاء حفله في العراق وذلك عقب إلغاء العديد من الحفلات الأخرى خلال الفترة الماضية من بينها الإسكندرية وسوريا وقطر.
وقال محمد موسى خلال تقديم برنامج "خط أحمر" على قناة الحدث اليوم، محمد رمضان مش مطرب ده ممثل، عمل أعمال كويسة وعمل أعمال مش كويسة لأنها كانت بترسخ للبلطجة والعنف وده أضر بمجتمعنا وشوفنا كلنا أطفال صغيرة كانوا بيقلدوه في عبده موته وغيره من الأعمال التانية اللي جسدها وكانت بتسيطر عليها مشاهد تصدير البلطجة والعنف للمجتمع.
تابع، أنا اعتراضي علي اللي بيغنيه وهو أصلا مش مطرب ولا دي شغلته وقلت الغنا مش بالعافيه .. أيوه الغنا مش بالعافيه يعني إحنا هنتظبط ع الجانبين تمثيل وغنا وده رأيي وأنا حر في رأيي .. هو يعني ينفع حد يطلع يغني كلمات بتقول أديك في السقف تمحر.. أديك في الأرض تفحر وأديك في الجركن تركن .. بالذمة ده كلام ولادنا يسمعوه ولا يتعلموا منه التدني".