علق الإعلامي محمد موسى، على قرار الشركة المنظمة لحفل محمد رمضان بالإسكندرية بإلغاءه وعدم إقامته عقب حملة من أهل الإسكندرية بعنوان «الإسكندرية لا ترحب بك».

وقال محمد موسى خلال تقديم برنامج "خط أحمر" على قناة الحدث اليوم، "من بداية الإعلان عن حفل لمحمد رمضان بالإسكندرية وأنا كنت متوقع أنه مش هيكمل وخاصة بعد الفيديو المستفز اللي نشره وبيتحدي فيه الدكتور رضا عبدالسلام محافظ الشرقية السابق وطبعا كلنا عارفين اللي حصل في واقعة طرده من قهوة بالإسكندرية وبعدها أعلن عن حفلات له في سوريا وفي قطر وبرضه تم إلغائها وللأسف طلعت هشتاجات بالبلدين بيعترضوا علي فكرة أنه ييجي يغني ببلادهم".

تابع، يا محمد يا رمضان شكلك فقدت توازنك ومش كل مرة هتسلم الجرة وموضوع إثارة الجدل اللي أنت متعود عليه بهدف أنك تكون محور حديث الناس زي ما بيقولوا انقلب السحر علي الساحر لأن حديث الناس عنك بقا بالسلب وللأسف أنت حتى حرقت نفسك كممثل في سبيل أنك عايز تغني بالعافية .