تحدث الشاعر الغنائي والسيناريست أيمن بهجت قمر عن طفولته المأساوية، بعد طلاق والديه وهو في سن صغير، خلال لقائه ببرنامج معكم منى الشاذلي

وقال أيمن بهجت قمر عن فترة طفولته: كنت عايش مع والدي هو ووالدتي منفصلين، وأبويا كان مقضيها حياة بوهيمية و فوضى، عايز يسهر مع صحابه للصبح، وصاحب أبويا حسن مصطفى قاله يا بهجت أنت هتبوظ الواد ده، ولما رجعت لأمي، حسيت إني عايز ارجع أقعد في بيت أبويا تاني.

وتابع: الفترة دي كنت حاسس بالضياع، وكان في أيام بشوف نفسي صغير أوي، وبابا سابلي ورث 7 آلاف جنية بقوا 18 آلف سنة 95، ولما تميت 21 سنة كان ليا ورث وأبوبا دلعني وجابلي عربية.. أبويا كان له نسبة من إيراد في مسرحية شارع محمد علي" مع شيريهان.

وتحدث قمر عن علاقته بالموزع الكبير طارق مدكور، قائلًا: أنا كنت منتمي لطارق مدكور من غير ماعرفه، في الوقت اللي كان فيه تنافس بينه وبين حميد الشاعري، واتعرفت عليه سنة 93 وكان عندي 19 سنة وهو حبني جدًا وعطف عليا جدًا، ليرد عليه طارق مدكور: مبعرفش أعمل أغنية غير لما يكون أيمن بهجت قمر معايا.