انفعل طبيب الفنانة شيرين عبد الوهاب على منتفدي وزنها الزائد الذي أثار الجدل في الأيام الماضية وعرضها لحملة هجوم شنيعة، وذلك خلال لقائه بموقع تحيا مصر، موجها رسالة قاسية للجمهور.

قال الدكتور نبيل عبد المقصود المتخصص في علاج التسمم والإدمان، والطبيب النفسي الخاص لـ شيرين عبد الوهاب، ردا على أسألة الجمهور بشأن وزنها الزائد: "عايزين نبص للإيجابيات الصوت والإلقاء وحب الناس ليها في المهرجان ازاي بتبصوا للوزن الحاجات دي مش حاجات اساسية دي شكلية احنا يهمنا الجوهر.. اقفوا جنبها وساندوها وساعدوها وإدوها طاقة إيجابية"..

وتابع حديثه: “شيرين عبد الوهاب كانت محتاجة حد يسمعها وياخد بإيدها عشان يقدر يوصل لبر الإمان وكان عندها ايرادة واستعداد قوي للخروج من تلك الازمة وهتشوفها في الفترة الجاية باذن الله أقوى”.

وسبق وأن صرح طبيب شيرين عبد الوهاب لـ برنامج “حضرة المواطن”، قائلا: "شيرين قابلتها مشاكل كثيرة أثرت فيها جدا، وخلتها تنعزل العالم وتفضل في بيتها ومش عايزة تتواصل مع أي شخص ودا أثر بالسلب على صحتها”.

وعن حقيقة علاجها من الإدمان فقال: "بلاش ندخل الموضوع في منطقة الإدمان لأن حالة شيرين ملهاش علاقة بالإدمان، والنجاح اللي حققته شيرين في قرطاج واستقبال جمهورها ليها اداها قبلة الحياة، ودي مجرد البداية شيرين راجعة بقوة".