أوضحت الإعلامية أميرة عبيد صفات الزوج الأناني وطرق تعامل المرأة معه، قائلة: "الراجل اللي عايش مع زوجة وأولاد وخلاص بدون حب ومشاعر وده بصراحة النوع الأصعب واللي في الأساس بيكون أناني مش بخيل وهنا المرأة بتصفه بالأنانية والبخل وهي مش فهمة إن البخل هنا هو جزء بسيط من الأنانية إزي ؟

وأضافت أميرة عبيد خلال تقديم برنامج "هي وهما" على قناة الحدث اليوم، "الرجل اللي بيصرف برا البيت حلو قوي ويجي عند مصاريف بيته يتهرب ويطلع القرش بزعل وبالعافية ، والزوجة فاكرة إنه بخيل ،والمصيبة إن دي الأنانية، الأنانية هي أم البخل هي اللي بتحمل وتولد البخل ببساطة البخل جزء من صفات الشخص الأناني".

تابعت، "النوع ده من الرجالة مش بيدي أي شيء من غير بمقابل زي إيه؟ زي عشيقته مثلاً يشتري ليها كل حاجة من غير ما تطلب وبيكون سعيد وهو ملبسها أحلي لبس ومخليها طول الوقت رايقة ليه عشان بيشوف إن جمالها وحلاوتها لي هو بس حاجة كده من ضمن ممتلكاته فبيصرف بدون حرص عشان عارف إن هيرضي رغبته ورغبة حببته اللي بيكون معاها مبسوط لكن مراته اللي مش بيحبها موجودة بس مش بينبسط معاها فمش هيفكر يبسطها أصلا ..ليه ؟ عشان أناني مش بخيل !! ويجي عند أي شيء بيحبه يجيبه ويجيب كمان للي بيحبه لكن لي أي حد بالنسبة له عادي لا !!ولا يطلع حتي كلمة حلوة ولا سلام صافي وعمره ما يستهلك مشاعرة أبداً غير مع الحاجة اللي بيستمتع بيها ليه عشان أناني و ده علاجه الوحيد الحب والعشق لو الست عرفت تخلي الرجل الأناني يحبها لدرجة العشق مستحيل يكون بخيل أو أناني معاها ليه عشان أنا عندي قناعة إن الحب يصنع المعجزات.