أشادت الإعلامية أميرة عبيد، بمقال غادة إيهاب نافع نجلة الفنانة الراحلة ماجدة، تحت عنوان إلى سكان الساحل الشمالي العشوائيين".

وأضافت أميرة عبيد خلال تقديم برنامج "هي وهما" على قناة الحدث اليوم، المقال يعتبر جرس إنذار إلى لأولياء الأمور بتعرض أولادهم إلى خطر كبير بسبب عدم الالتزام بالعادات والتقليد.. مضيفة: أن غادة نافع طرحت عدت أسئلة في المقال منطقية، "وأنا معاها في كل كلمة قالتها".. ليه العيال معاها فلوس بالآلفات لدرجة إنهم في السن ده يروحوا يتغدوا في ساتشي !! ليه بنات تعمل عيد ميلادها ١٦ سنه كأنه فرحها !! ليه نعلم ولادنا إن كل شيء مباح و إن الفلوس ملهاش قيمة !! ليه من سن ١٥ سنة البنت تلبس من فالنتينو وغوتشي ليه الساعة ال Rolex دلوقتي !!! طيب إيه اللي هيبسطهم لما يكبروا ؟ أسئلة مهمه لازم الاهل يفكرو فيها".

استطردت أميرة عبيد، نجلة الفنانة ماجدة اختمت المقال بكلام مهم وقالت أنا فعلا مصدومة من حجم المنظرة اللي الجيل ده هيتربي عليها، إحنا مكناش كده ، مضيفة: حقيقى فعلا كان فيه عرى بس فيه رقى وحقيقى كان فيه خروج بس مكنش فيه اسفاف وحقيقى مكنش فيه حجاب منتشر بس كان فيه التزام وحقيقى كان فيه ماركات بس للشياكة مش للمنظرة لمن استطاع إليها سبيلا ، كان فيه خروجات بس من غير بذاءات، كان العيب عيب مش حاجة عادية".