علق الإعلامي محمد موسى، على حالة من الجدل السائدة في الوسط الرياضي خلال الفترة الماضية، بسبب جائزة مليونية تتعلق بمنافسات الدوري المصري.

وأضاف محمد موسى خلال تقديم برنامج "خط أحمر" على قناة الحدث اليوم، الكرة المصرية بتشهد مشاكل كتير جدا.. والمؤسف إنها كل الجدل اللي بيحصل والمشاكل دي كلها بعيدة عن الكرة والفنيات .. مفيش كلام مثلا عن إزاي نطور الكرة المصرية ولا مثلا نطور من التحكيم علشان الأندية اللي بتعترض ليل ونهار .. مفيش حد مثلا بيتكلم عن كارثة عدم وجود مدرب للمنتخب الأولمبي اللي عنده تصفيات كمان أقل من شهرين ولا إزاي نرحم اللاعيبة من تلاحم المواسم ده .. كل الكلام اللي على الساحة الرياضية مشاكل إدارية وخناقات".

تابع، اتحاد الكرة طلعنا من كام يوم بافتكاسة .. أقل ما توصف بإنها فضيحة .. اتحاد الكرة حاب يقلد الكرة الأوروبية لكن مش في المنظومة مثلا أو النظام اللي متطبق هناك .. لأ .. راح لسكة تانية خالص .. اتحاد الكرة استورد نظام المراهنات ونشر صورة على صحفته على فيس بوك وأعلن من مراهنة لتوقع الفائز ببطولة الدوري الموسم الحالي وأعلن عن جائزة مليون جنيه لصاحب التوقع الصحيح.