.png)
أميرة عبيد عن إنكار النسب: اللي يسيب لحمه ودمه ملوش علاقة بالرجولة
علقت الإعلامية أميرة عبيد، على تجرد بعض الآباء من كل معانى الإنسانية والأبوة وإنكار نسب أطفاله للتهرب من مسئولياته الأسرية تجاه هؤلاء الأبرياء، مما يدفع الأم إلى إثبات النسب عن طريق تحليل DNA.
وأضافت أميرة عبيد خلال تقديم برنامج "هي وهما" على قناة الحدث اليوم، "المسألة مش مسألة اعتراف ولا دليل ولا قرينة المسألة مسألة ضمير وأخلاق لأني مش متصورة أن فيه أي أب ممكن يماطل في نسب ابنه له .. ابنه ولا بنته اللي هي حته منه إلا وكان متجرد من الإحساس".
تابعت، "الأبوة دي إحساس وقلب بينبض بحب ولادنا والحقيقة بسأل سؤال مهم أيه اللي هيعود علي أي شخص ممكن ينكر نسب ابنه او بنته غير أن كل المجتمع المحيط به هيكون شايفه شبه راجل ومالوش علاقة بالرجولة لأن اللي يسيب لحمه ودمه ميبقاش راجل".
