شن الإعلامي محمد موسى، هجوما حاد على نديم الشاعري نجل حميد الشاعري بسبب تصريحاته الأخيرة ضد الموسيقار حلمي بكر أثناء حواره في إحدى البرامج التلفزيونية.
وأضاف محمد موسى خلال تقديم برنامج "خط أحمر" على قناة الحدث اليوم، "ولد زي ده ضروري يعرف إن الإساءة لرموز مصر الفنية لن يرضي بها أحد أياً كان ومن الضروري أن تكون هناك وقفة ضد اللي تفوه به من كلام غير مسئول .. ولا يمكن أن يوصف ما كتبه بحق الفنان والموسيقار الكبير حلمي بكر إلا بالشرشحه.. وبعدين هو زعلان ليه من أستاذ حلمي بكر عشان قال عن حميد الشاعري أنه أفسد الموسيقي ؟؟؟
تابع، الراجل ما قالش حاجة غلط أنا كمستمع بقولك يا ابن الشاعري أيوه أبوك أفسد المزيكا بالدوم بوم اللي بيسميها ألحان .. واللي انتهي فنياً وأخلاقيا بعد اللي انت كتبته يبقى أبوك وبسببك لأن أبوك لو علمك ازاي تحترم الكبار وأنت صغير لم ودي التربية اللي المفروض كنت اتعلمتها ومش كلام ولد صغير هو اللي هيقلل من قيمة نجم كبير وصانع من صناع تاريخ الموسيقي المصرية .
وكتب نديم الشاعري، عبر حسابه الرسمي بموقع التواصل الإجتماعي فيسبوك: أستاذ حلمي لو محتاج مساعدة ماديا أو نفسيا الكابو مش حيتاخر عليك لكن ما ينفعش كل ما تتزنق تروح برنامج تجيب سيرة حميد الشاعري.. اللي للأسف تاريخك ميجيش تمن تاريخه ولا فنيا ولا أخلاقيا للأسف 30 سنة من عمري ما بيعملش حاجة في حياته غير التقليل من الناس، ومن الفنانين ومن أعمالهم.
وتابع نديم: أوعى حضرتك تفتكر إنك محطوط في خانة الإنسان المحنك، لا للأسف أنت عبرة لكل نفسية فاسدة متناهية الصلاحية فنيا وأخلاقيا، فرق التربية كبير أوي بينك وبين الكابو حتى في الفكر الموسيقي والمعاملة مع الناس، والكابو كبير مقامه ومش بيرد عليك عشان هو أكبر من كده وأكبر منك بالذات ودايما بيقولي ما تردش على حد، لكن ولاده كبرو ومش حيسمحو إنك تقطع في أبوهم .