قالت الإعلامية أميرة عبيد، "إن الزواج مسؤولية مش فسحة ولا شهر عسل دايم ..ولا الرجل بنك وعضلات ولا الست جسم وشكل، الزواج مودة ورحمة ومشاركة بين الزوجين علي الحلوة والمُرة، الزواج نص الدين والنص الآخر في الرضا والخوف من الله والضمير اليقظ".
وأضافت أميرة عبيد خلال تقديم برنامج "هي وهما" على قناة الحدث اليوم، نحن من نصنع السعادة حتي ولو بضحكة من القلب علي قد ما تعوذ سعادة ابدأ في صنعتها مفيش سعادة من غير مجهود !!! مفيش سعادة من غير مجهود و مفيش حب من غير ثقة وكمان مفيش أنثي من غير راجل .. إذا أردت أن تعيش سعيد، فكن شجاع كالأسد، وصبورا كالجمل، ونشيط كالنّحلة، ومبتهج زي العصافير".
وعن أسباب فقدان السعادة الزوجة، قالت: كل طرف من الزوجين بيكون راسم في أحلامه وخيالة صورة مثالية لشخص اللي عايش معاه، ومع ضغوط الحياة وتقلبات المزاج اللي كل إنسان طبيعي بيعشها بيكون رد فعله غريب على الطرف الآخر ومن هنا يبدأ كل واحد فيهم شعر إنه اتخدع وإن مش هي دي الحياة اللي رسمها في خيالة واللي فضل يحلم بيها في اليقظة".