عددت الإعلامية أميرة عبيد، صفات المرأة التي يجب على الرجل تجنب الارتباط بها، لضمان حياة أسرية مستقرة وهادئة".

وقالت أميرة عبيد خلال تقديم برنامج "هي وهما" على قناة الحدث اليوم، عارفين مين هي الست اللي مستحيل يكمل معاها رجل ؟ الست الحرامية المؤذية والحرامية هنا مش اللي بتسرق فلوس لأ الحرامية هنا اللي بتسرق فرحت كل اللي حوليها الست اللي بتضيع شقي وتعب جوزها علي حاجات ملهاش قيمة الست اللي بتسرق صحة وشباب جوزها بدون رحمة ، والست اللي أعوذ بالله مش بتسيب قريب ولا غريب غير لما تأذي بكل حقد وغل".

تابعت، "الست الحقودة الأنانية اللي بتفضل ترسم وتخطط عشان تسرق اللي مع غيرها حتي ولو كانت ضحكة، النوع ده من الستات مش بيتكسف بسرعة لأنها بتكون لابسة قناع الطيبة والصمت والهدوء طول الوقت !

استطردت، "إزي كلنا نكتشف النوع ده من الستات ؟ (١) هتلاقوها دايماً بتجيب إخبار وحشة، ولو عندها فرح أو رزق أو خير تخبي وتقول العكس .. (٢) لما تشوف أي حد حلو وصحته حلو وكويس لازم تسد نفسه وطلع في أي عيب عشان تشتغل علي نفسيته ويتعب بجد وخصوصاً جوزها .. (3) لو عملت معاك واجب صغير تاخد قصاده ألف واجب وتفضل تفكرك طول الوقت بفضلها عليك بطريقة غير مباشرة عشان تكسر عين اللي قدامها ، كمان بتكون حشريه في خصوصيات الناس وتحب تتكلم علي غيرها بالشر وحياتها هي مستحيل حد يعرف عنها حاجة".