حرص المخرج أشرف فايق على طمأنة الجمهور على حالته الصحية بعد تعرضه لعملية جراحية دقيقة في القلب منذ أيام قليلة، مؤكدا أن صحته أصبحت في تحسن الأن.

وكتب أشرف فايق عبر حسابه الرسمي بموقع “فيسبوك”: “خرجت من المستشفى، وهبدأ عملي إن شاء الله من يوم الأحد، والله العظيم هاين عليا أجاوب على رسايلكم واحدة واحدة، بس مش هقدر”.

وتابع : بطلب منكم تسامحوني، لكل اللي طلبني على الموبايل سواء من مصر أو من خارجها، ومقدرتش أجاوبه، رصيد حبكم ده يقوم جمل، وخلاني أغنى وأقوى وأسعد شخص في العالم.

مرض أشرف فايق

وكان قد كتب فايق في وقت سابق: “حسيت إن دمي تقل في الفترة الأخيرة فقلت أعمله قسطرة واخففه شوية، فحجزت عند الدكتور حازم منصور، بطل العالم في القلب والقسطرة، بمساعدة صديق عمري عبد الله خليل، وفرصة أشكرهم جدًا”.

وتابع: “أنا دلوقتي بقيت كويس واطمنت على دمي وقلبي وشراييني، وبطمنكم وبشكر كل الأحباب اللي حاولوا يتواصلوا بالاتصال أو بالرسائل، ولم استطع الرد عليهم وبقولهم سامحوني، وكتر خيركم الحمد والشكر لله تعالى”.