قالت الإعلامية أميرة عبيد، إن برنامج "هي وهما" جاء ليحافظ على وحدة الأسرة المصرية ويساعد في بناء البيوت، مضيفة "مبنزعلش من النقد لأن مفيش حد فوق مستوى النقد، بدليل مداخلة من إحدى مشاهدات البرنامج طلبت لإني أسيبها ومقطعش عليها الخط، فسبتها تتكلم براحتها زي ما بنعمل مع كل المتصلين على البرنامج".
وتابعت أميرة عبيد خلال تقديم برنامج "هي وهما" على قناة الحدث اليوم، "البرنامج مفتوح لكل الناس، تتكلم فيه لأنه موجود عشان كشف الحقايق وعرضها، ومش بنصادر على حد حتى لو كان مختلف معانا، المتصله قالت رأيها زي ما هي عايزة، وإحنا كمان قلنا لها الصح بيكون إيه، وهدفي كان واضح في ردي عليها، والحمدلله ردي على المداخلة دي عمل مليون مشاهدة خلال 48 ساعة فقط، ليه عشان لا يصح إلا الصحيح والحق حبيب الله".