قال الرئيس عبدالفتاح السيسي، إنه خلال زيارته بلجيكا، تحدث عن ملف حقوق الإنسان، مع مسؤول بلجيكي، معقبا: “معندناش حاجة نخبيها.. إحنا عندنا قضية غير معروفة وهي قضية الزيادة السكانية”.

وروى الرئيس السيسي - خلال فعالية إطلاق المشروع القومي لتنمية الأسرة المصرية، اليوم الاثنين- ما دار بينه وبين مسؤول في بلجيكا، بشأن ملف حق الإنسان، موضحا: "سألته: الناتج القومي بتاعك كام وعدد سكانك كام، فرد 500 مليار دولار و10 ملايين مواطن، فقولت له أنا كده محتاج 5 تريليون دولار، لأن عدد سكاني 100 مليون، وعشان مش معايا الفلوس دي الناس في مصر مظلومة، والناس في مصر مش بتاكل كويس، ولا بتتعلم كويس، هي دي حقوق الإنسان".

وتابع: «مش بمنع حد يتكلم أنا عايزه قبل ما يتكلم يعرف قضية البلد.. قبل ما يسمع الناس وينكد عليها في بيوتها ويقولهم كلام مش مستكمل معرفته.

ونوه الرئيس السيسي بأن المواطنين خرجوا في 2011 لأن حالة الرضا المجتمعي غير موجودة، موضحا: “الناس مكنتش مبسوطة ومش عارفه ليه.. ومكنوش راضين بس مش عارفين مش راضين ليه.. وبدل ما نقول إحنا مواطنين أدائنا متواضع خلينا الدولة خصم، وعملنا دراما”.

وشدد على أنه يهتم بالدولة المصرية وعدم انزلاقها للخراب والدمار، الذي كان من الممكن الوصول له في 2011 لأسباب حقيقية وتريد تغيره.