قالت الإعلامية أميرة عبيد إنها شاهدت مقطع فيديو للإعلامي أسامة منير على "السوشيال ميديا" بعنوان "نصائح أسامة منير لنجاح العلاقة العاطفية"، ورغم أنه قديم منذ عدة سنوات إلا أنه منتشر بشكل كبير مؤخرا.

وأضافت أميرة عبيد خلال تقديم برنامج "هي وهما" على قناة الحدث اليوم، "الحقيقة الكلام زعلاني جدا، ودا بعد ما شبّه الراجل بالكلب، موضحة "إن الرجل زي الكلب وبشكل أوضح نظرية الكلب، اللي هو يعني شبه الرجل بالكلب إزاي.. قال كده بالنص الرجل زي الكلب لو الست هجمت عليه هيجري ولو جريت منه هيجري وراها، وللأسف طريقة الكلام أول مرة متعجبنيش".

وتابعت، "معلش يعني محدش يقولي تشبيه مجازي، والله يا أستاذ أسامة حضرتك كنت تقدر تضرب مثل بأي حاجة في الدنيا، ما عدا إنك تهين الرجاله بشكل ده، وبعدين حضرتك رجل إعلامي كبير لو شوفت أي حد بيشبهك بالكلب أكيد حضرتك مش هتسكت ولا إيه؟".