ماتتعبش نفسك معاهم..مفيش فايده فيهم مهما تعملهم وتساندهم وتقف وراهم... وتحاول تصلح افكارهم .. لا شايفينك..ولا مقدرين تعبك.. ولا معترفين أصلا بمجهودك علشانهم..

ياعزيزي..

الصنف الجاحد الناكر للجميل ده عامل زي الأرض البور لن تجني من ورائها سوى خيبة الأمل ...

الشخص البخيل مثلا:

مش شايف نفسه بخيل وانما حريص..

وشايفك إنت المبذر والمسرف والمندفع..

الشخص أبو العريف ( مدعي المعرفه) :

مش شايف نفسه جاهل جهول مجهال..

شايف نفسه أنه عليم ببواطن الأمور..

وشايفك إنت الجاهل والمفروض تتعلم منه

#الشخص الوسواسي:

مش شايف نفسه انه نازل تفكير في تفاهات ملهاش اي منطق.

ويشوفك إنت اللي مش منتبه ولا بتركز ...

#الشخص المنافق:

مش شايف نفسه بيقلب الأمورلمصلحته وبيلعب بالبيضه والحجر

ويشوفك إنت العبيط اللي مابيعرفش يتصرف وخاك ومعندكش مرونه

السؤال..

لحد امتى تاعب نفسك وعاوز تغير الناس دي

نصيحتي..

ماتحاولش تغير حد مش شايف نفسه ..

مش مقصر ، ومش غلطان ، ومش ناقص

وألا سينتهي بك المطاف الى شعورك إنت شخصيا.

بالإحباط وخيبة الأمل والقلق..

ومش بعيد الناس دي تجيلك وانت تعبان..

وتقولك وبراءة الاطفال في عينيها...

ربنا يهديك ويشفيك ويقومك بالسلامه..

في مأساة أكبر من كدة