عرض برنامج "صباح البلد " ، والمذاع على فضائية " صدى البلد " تقريرا عن البطل الرياضي أحمد محمد عبد الله ، من ذوي الهمم ، والذي يبلغ من العمر 12 عاما ، وحصد العديد من الجوائز منها بطولة الجمهورية لـ الكاراتيه ، وتكريمه من شيخ الأزهر .

وقال أحمد محمد عبد الله : بحب لعبة الكاراتيه جدا ، وقولت لبابا وماما يدربوني في لعبة الكاراتيه ، وبشكر كابتن علي وكابتن أحمد .

وأضاف : بقول للناس اللي عندهم إعاقة يلعبوا عادي دي مش مشكلة وانا بلعب كاراتيه .

وأوضح كابتن علي الجنيدي ، مدرب الكاراتيه : أول حاجة فكرت فيها أن أخليه زيه زي باقي اللي حواليه ، وأول ما وصلت له الفكرة دي بقا عنده طموح أعلى .

وقالت والدة أحمد : كنت دايما بكلمه عن الشيخ الأزهر وكان نفسه يقابله وكنت بحفزه أنه ياخد البطولة .