ياريس مطلوب إعلام وطنى محترف وقريب من الناس يفهم الناس بصدق ان قوانين التصالح فى مخالفات المبانى بمبالغ سهلة وبسيطة وعلى اقساط فى صالح المواطن لان التصالح ببساطة هيكون تسجيل للشقة او البيت اقوى من التسجيل فى الشهر العقارى

ياريس مطلوب شوية قرارات تسهل على الناس حياتها زى التحكم فى أسعار السلع الأساسية وفتح التعيبنات لشباب الخريجين فى بعض المؤسسات وسرعة تفعيل منظومة التأمين الصحى والإجتماعي وغيرها

ياريس مطلوب حملة قوية للقضاء على الفساد بداية من فساد صغار الموظفين ونهاية بفساد بعض رجال الأعمال الذين يحاربون الدولة باموالهم الحرام بكل قوة وبشكل مباشر وغير مباشر

ياريس مطلوب برلمان قوى وفاهم يتحمل معاك المسؤولية فى كل الدوائر مش مجرد ناس منتفعين من مقاعد البرلمان

ياريس مطلوب التغيير المستمر فى كل مناصب الإدارات المختلفة صغيرها وكبيرها خاصة الأحياء والمحافظين وغيرهم

ياريس مطلوب توضيح مقنع ومستمر ومتواصل بالاعلام عموما والسوشيال ميديا خصوصا لأهمية مئات المشروعات الكبرى التى تتم على أرض الواقع لبناء مصر جديدة تليق بشعب مصر العظيم

والاهم من كل ده ياريس مطلوب المواكبة الإعلامية المستمرة لان معظم المنتفعين والفاسدين مش عاوزين إصلاح وبيساعدوا الخونة خارج مصر علشان محدش يحاسبهم

مطلوب ده يا ريس لان الثقة في حبك واخلاصك لبلدنا كبيرة جدا وان شاء الله مصر منتصرة وهتفضل اد الدنيا رغم انف كل أعداء الوطن والحياة..

حفظك الله وحفظ مصر وجيشها البطل وشعبها الطيب يارب ..