نرى الآن ربكة كبيرة في المشهد السياسي واستقالات في جميع الاحزاب مما يحدث، وكأن البرلمان أصبح بورصة .
تمنى الجميع أن يعطي ما حدث في انتخابات الشيوخ جرس إنذار يجعل إدارة مشهد النواب غفضل ولكن كيف يأتي الأفضل وهناك فصيل اعتبر مصر ملكية خاصة يسلب الناس حقوقهم في العمل من أجل وطنهم ويسلب الفقراء كرامتهم ويتعامل معهم كانهم قطيع يذهب حيث يوجد المال.
طب إيه المطلوب من المشهد !!!
تتحول الأحزاب لدكان شحاتة !!
أيوه دكان بيضم أشخاص معاها فلوس بدون أي خبرات وتيجي القايمة الي يدفع يدخل وتصبح كل الاحزاب السياسية على شاكلة مستقبل وطن .
طب إيه المطلوب مننا!!!
في شباب كتير تعبوا وعنيهم على بكره لو سبنا الساحة واستسلمنا هتتحول دكاكين شحاتة لمصاص دماء بيسحب الأمل منهم ... استمروا في طريقكم سيبكم ممن باع الكراسي وقبض وأخد كرسي مقابل إنه بايع، ده كله قش هيطير مع الريح واللي هيبقى انتوا بخبراتكم وفكركم مهما عد١ الوقت ومتصدقوش اللي يحاول يوصلكم أن الموضوع انتهى بالعكس هو نفسه تصدقوا إنه انتهي علشان كل واحد يلم شنتطة ويقدم استقالته ويمشي ويتسرق المشروع ويبقى دكان شحاتة وتفضل يافطة كراسي للبيع ويبقى دكان شحاتة أكل عيش وسبوبة.

مكملين في طريقنا في انتخاباتنا في حزبنا في حياتنا وبمبادئنا.
#الحزب كيان وعمره ماهيبقى_دكان