عقب الإعلامي محمد موسى، على تداول رواد السوشيال ميديا مقطع فيديو لشخص يقوم بفرم فراخ نافقة في مفرمة.

وقال محمد موسى خلال تقديم برنامج "خط أحمر" على قناة الحدث اليوم، مش فاهم حاجة مين ده وبيعمل أيه وهل فعلاً ده حقيقي والفراخ الميتة اللي في الأجولة دي كلها هل فعلاً بيتم فرمها وبيعها للناس علي أنها لحوم مفرومة بجد أنا مش مستوعب أن انعدام الضمير والأخلاق يوصلوا أن حد يخالف شرع ربنا ويأكل الناس فراخ نافقة وميتة.

وتابع: "الفراخ دي لو ميته يبقي أكيد نتيجة أمراض ولو اللي بيحصل ده حقيقي يبقي معدومين الضمير دول بيأكلوا الناس أمراض ضروري يتم تحديد الناس دي بسرعه لأن اللي بيصور الفيديو بجح ومعدوم الضمير وبيقول أفرم خلي الناس تاكل .. هتاكل إيه يا معدوم الضمير هياكلوا أمراض .. يا أخي روح منك لله أنت واللي معاك".