سخر الدكتور جمال شعبان عميد معهد القلب الأسبق، من تصريحات الفنانة سماح أنور التي أدلت بها مع الإعلامية ياسمين عز، مؤكدة خلالها أنها لم تتناول المياه منذ 17 سنة، بحجة أنه يتسبب في وجع بطنها، وأنها تعوض حاجة جسمها للمياه من الفاكهة.

وكتب الدكتور جمال شعبان ، عبر حسابه الرسمي بموقع التواصل الاجتماعي " فيسبوك"، مخاطبا الفنانة سماح أنور:" يا نجمة دي يمكن كرامة خاصة بحضرتك، ربنا يزيدك بركات وكرامات، لكن الأشخاص العاديين اللي زينا ما يقدروش يستغنوا عن المياه".

وأضاف في رده على الفنانة سماح أنور ، بالقول:" جسم الإنسان ٦٠٪ من وزنه ميه و٩٠٪ من الدم ميه، والواحد محتاج ٢ لتر ميه يوميا ع الأقل، مؤكدا أن أقصي مدة يحتملها الإنسان بدون مياه بضعة أيام تبدأ من ٣ إلى ١٠ أيام، ولو وقفنا في الهوا بدون شرب المياه الجلد عندنا هينشف مش هيمتص مياه".

واستشهد الدكتور جمال شعبان بقوله تعالى "وجعلنا من الماء كل شيء حي»، قائلا: «إنهم يدعون إلى طب جديد".

وكشفت الفنانة سماح أنور، تفاصيل عن حياتها الشخصية من أسلوب حياة فضلًا عن حياتها العاطفية، وذلك خلال حلولها ضيفة على برنامج كلام الناس المذاع عبر فضائية Mbc مصر.

وقالت سماح أنور: "الحياة العاطفية مكنتش أهم حاجة في حياتي وأنا من النوع اللي بيقع في الحب زي الحادثة كده.. حبيت مرة واحدة ومكنتش تجربة لطيفة، أنا من النوع اللي بيحب أوي والست لما بتقع على سنانها في الحب الرجالة بتطفش".

وتابعت: "كل لما أشرب المياه بتعب علشان كده بقيت أشرب مشروبات غازية زيرو سكر ونسكافيه وقهوة وكل الخضراوات والفواكه اللي فيها مياه.. بقالى 17 سنة مبشربش مياه خالص وأنا مبشربش مياه في مصر لأن كلها ليها طعم ولون حتى المياه المعدنية ليها طعم ولون".