وجهت الإعلامية أميرة عبيد رسالة إلى بعض الزوجات قائلة: "يا كل زوجة عنيدة مش عارفة قيمة أخلاق ورجولة جوزها يا كل ست لو بتحبي جوزك هتحبي أمه وهتكوني مرات ابن صالحة أما بقي لو مش بتحبيه سبيه لأمه هي أولى بيه وهتكون جنة الدنيا والآخرة لي هي مخلفتش وربت وتعبت عشان تيجي إنتي تخديه.. لكل ست ازرعي مع أم جوزك اليوم عشان هتحصدي مع مرات ابنك غداً".

وتابعت أميرة عبيد خلال تقديم برنامج "هي وهما" على قناة الحدث اليوم،"الفرق هو إن البار كلنا عرفينه لكن ابن أمه بار بزيادة بضمير بيقين وعارف كويس إن الأم لا تعوض وإن أمه لو مش بتحب الخير لابنها ولمرات ابنها مكنتش هتواقف إنه يتجوز أصلا".

تابعت، دايماً الأم بتحس بمرات ابنها لو فعلا بتحب أبنها بإخلاص هتحس ولو بتحب ابنها حب امتلاك بردو هتحس عشان كده بيكون في خلافات بين الزوجة وحماتها وتلاقي مرات الابن عايزة تعمل راسها براس حماتها وأول ما زوجها يحط النقط علي الحروف و يقول الحق ؟ علي طول يتقال عليه ده ابن أمه .. ولما يحصل نفس المشاهد مع أمها ضد مراتٍ أخوها تلاقي كمية تناقض مش طبيعية ضد أي حد يجي علي ولدتها ليه".