علقت الإعلامية أميرة عبيد، على ارتفاع معدلات الطلاق في الفترة الأخيرة ووجهت العديد من الرسائل للزوجات قائلة: لو أنتي ست بجد وبتخافي ربنا وبتسعي عشان تسعدي هيكون خاتم في صوابعك وهيكون رجل ليكي مش عليكي لأن اللي خلفته واللي ربته ست من نفس نوعك يا طمعة يا مفترية اللي بنشوفه ده طمع مش طموح الطموح بريئ منكم".

وأضافت أميرة عبيد خلال تقديم برنامج "هي وهما" على قناة الحدث اليوم، الرجل لو عضم في قفة أمان لست والست لو مليونيرة ومن غير رجل مش هتبقي ست وفلوسها عمرها ما هتشتري الأمان والمودة والرحمة ودفئ الاسرة.. الخلاصة في جملة وحدة فقط لازم كل ست تحطها حلقة في ودنها قبل فوات الاوان ..وخصوصاً كل شطانتها قوي وبيضحك عليها ومخسرها جوزها خدي بالك وفهمي قبل ما تندمي .. إدخار الرجال أولى من إدخار المال.

تابعت، ياكل ست فوقي منك ليها جنة الدنيا الرضي ..اللي نفسك في ده مش هيحصل غير عند ربنا لما تموتي كده علي حسن الخاتمة فوقي كده واملي مكانك في بيتك وسندي جوزك اللي مليان عيوب زي ما انتي كمان ملينه عيوب وهو مستحملك ومستني منك الاحتواء والرضا وانتي شغالة تكسير في رجولته وفي الأخر نقول ظالم ومفتري".