قال الإعلامي محمد موسى، إن 30 يونيو أهم ثورات العصر الحديث، قائلا: عاوزين نفتكر كويس مصر دلوقتي عاملة إزاي وقبل ثورة 30 يونيو كانت إزاي .. وقتها هنعرف قيمة الثورة العظيمة دي كويس وإزاي إنها أهم ثورة في العصر الحديث".
وأضاف محمد موسى خلال تقديم برنامج "خط أحمر" على قناة الحدث اليوم، مصر من 9 سنين كانت غرقانة في المشاكل بسبب التنظيم الإرهابي.. مشاكل في كل شيء، كهرباء، مياه، صحة، تعليم، أمن وحتى علاقاتنا الخارجية، للأسف التنظيم خلى دور مصر متقزم".
تابع، "النهاردة مصر فعلا في حتة تانية، التنمية بتجري في مصر في كل مكان، كل واحد فينا شايف في الشارع بتاعه إن فيه شغل بيتعمل.. ولو اتكلمنا عن الشغل افتكر أول شيء هيجي في بالنا هو حياة كريمة.. المبادرة العظيمة اللي تعتبر مشروع القرن ودرة المشروعات القومية وبيستفيد منها تقريبا 60 مليون مواطن في الريف .. المبادرة اللي أشادت بيها الأمم المتحدة وخليتها نموذج استرشادي لكل الدول.