قال الإعلامي محمد موسى، إن مصر كانت تعاني من العديد من المشكلات الكبيرة في عهد تنظيم الإخوان من بينها الكهرباء، قائلا: مصر اللي كانت مضلمة بسبب تنظيم الإخوان.. النهاردة بقت منورة .. الكهرباء متوفرة وفيها فائض وبيتصدر للخارج كمان..
وأضاف محمد موسى خلال تقديم برنامج "خط أحمر" على قناة الحدث اليوم، الغاز الطبيعي اللي حققنا فيه اكتفاء ذاتي.. التنمية الزراعية والحجم الكبير في الاستصلاح اللي بيضيف مئات الألاف من الأفدنة للرقعة الزراعية علشان يعوض الأرض الزراعية اللي خسرناها بسبب التعديات.
تابع، أفتكر محتاجين ساعات طويلة وربما أيام علشان نتكلم عن حجم الإنجازات اللي في مصر.. الإنجازات اللي أهل الشر بيحاولوا بكل الطرق يشوشروا عليها بأكاذيبهم المفضوحة .. وده باختصار لإنهم مش عاوزين خير للشعب ده وكمان شايفين إن الشعب إدالهم صفعة مش هينسوها أبدا ولا هترجعهم تاني".