قالت الإعلامية أميرة عبيد، إن الهروب من المناقشة هو أول خطوة في انهيار العلاقة الزوجية، مضيفة: الموضوع له شقين الشق الأول أن الزوج يكون زهق ومل من الحديث مع مراته اللي بتوصل المناقشة لخناقة ونكد ملوش داعي !، والشق التاني هو هروب الزوج من أي حوار في مسؤولية وهنا يكون الموضوع مختلف تماما عن الشق الأول".
وأضافت أميرة عبيد خلال تقديم برنامج "هي وهما" على قناة الحدث اليوم، "طب إزي الزوجة تكون حكيمة و ذكية في نفس الوقت ؟ رقم (1) مفيش حاجة اسمها أفتح حوار مع جوزي وهو مشغول أو مضايق واستني الوقت المناسب عشان يكون في تركيز من الزوج وفي نفس الوقت ميكنش عنده حجة يهرب من الحوار ، رقم (2) طريقة كلامك لازم يكون فيها احترام وترجي وليس أمر عشان الرجل يحس إنه هو قبطان وريس المركب مش أنتي.. رقم (3) وده مهم جداً لازم يحس إنك إسلوبك أتغير للأحسن في تعبيرت وشك و نبرة صوتك عشان يكون عنده شغف تجاه حواره معاكي.
تابعت، رقم (4) كتري من دعوتك لي قدامة وعبري عن حبك وانتمائك له ، بس بتوازن وبضمير ، وكمان ضروري توصلي له إنك بتستمتعي جداً بالحوار معاه حتي أثناء الخلاف ولازم يفهم إن خلافكم في النهاية لصلحكم إنتم الاتنين مش لصلحك أنتي .. لو كل ست عملت الخطوات دي برقي وساعة صدر وصبر، عمر الزوج ما هيهرب من المناقشة بالعكس هو اللي هيبدر ديماً بيها لأنه هيكون عارف أن الكلام معاكي بيجدد المشاعر والحب بينكم حتي في عز الخلاف ..وده هيزرع جوة قلبه وعقلة شغف مستمر للحديث معاكي".