قالت الإعلامية أميرة عبيد، "الحب حالة والتعود سلوك.. لما نعيش الحالة مع سلوك غير محترم وغير إنساني وعقلاني يموت الحب ولكن لما نتعود بدون حب مع سلوك مهذب وسوي وعقلاني هنا يتولد الحب ويتربي ويكبر بين زوجين ناضجين وتستمر الحياة بشكل طبيعي".

وأضافت أميرة عبيد خلال تقديم برنامج "هي وهما" على قناة الحدث اليوم، إحنا مش محتاجين حب عشان نتعود ولا محتاجين نتعود عشان نحب لا.. إحنا محتاجين شوية رضي على شوية إنسانية مع يقين بأن ربنا اختياره خير ورحمة لينا لو كل طرف عامل اللي قدامة زي ما يحب اللي قدامة يعامله هيكون عندنا حاجة أحلى بكتير من التعود والحب هيبقي عندنا حاجة أسمها دمي دمك وروحي روحك واللي يألمك يوجعني واللي يفرحك يسعدني".

تابعت، "بلاش كلمة أنا مش بحب أنا اتعودت وبلاش كلمة أنا مش عايزة أكمل بس بضحي عشان بحب بلاش الكلام ده لأنه بيضيع العمر في وهم وسراب أسمه أنا ضحية ظروفي بلاش أنا مش مرتاح بلاش أحلام اليقظة خليكم واقعيين واتعودوا علي الرحمة وحبوا الخير لغيركم هنا الحب والتعود هيقف قدامكم انتباه".