كشفت الإعلامية أميرة عبيد، عن أسباب كره المرأة لرجل أحبته من كل قبلها قائلة: "كره الحبيب ده معناه إن الست لسه جوها مشاعر تجاه حبيبها ومش عارفة تتخلص منها فطبيعي هتحس أنها بتكره ..الكره هنا خذلان وليس كره بجد .. الكره الحقيقي هو إن الست تفقد جميع احساسها تجاه حبيبها وإنه ينزل من نظرها وتبدء تشوف الرجل ده بدون رجولة وإن وجوده زي عدمه، ده غير طبعاً شعورها معاه بعدم الأمان والاستقرار وفقدان الشعور بالسعادة".

وأضافت أميرة عبيد خلال تقديم برنامج "هي وهما" على قناة الحدث اليوم، أول حاجة الناس هتقولها الخيانة ! للأسف ..لا ..الخيانة دي آخر جزء في سلبيات الراجل .. عارفين إيه أول حاجة بتحصل من الراجل بتخلي الست تعيد النظر في حبها تجاه جوزها .. هي أنها تكون أخر اهتماماته ما دام الست اتحطت في الأخر !!يبقي تنتظر أي غدر وأي خيانة وأي إهانة".

تابعت أميرة عبيد "بكل وضوح أي حاجة إحنا بنحبها في حياتنا بتكون أول اهتمام عندنا بدليل اللي بيحب عربيته دائما بيجدد فيها واللي عنده زرع مش بيسبه يموت واللي مربي عصافير أو أي حيوانات أليفة بيرعاها وبتكون أول أولاوياته".