وجهت الإعلامية أميرة عبيد، نصائح للفتيات والسيدات بشكل عام، بشأن ثقة المرأة في نفسها وعدم الانصياع لدعوات السوشيال ميديا الهدامة، والتي من شأنها "تخريب" البيوت فقط.

وقالت أميرة عبيد خلال تقديم برنامج "هي وهما" على قناة الحدث اليوم، "عزيزتي المرأة متخليش كلام الأوغاد يأثر فيكي، أنتي وحدك اللي عارفة كويس طيبة قلب جوزك.. أنتي بس اللي تقدري تسامحي وتعمري، وأنتي برضه اللي تقدري تعندي وتدمري".

وأضافت "الست النهاردة قدرت تروض الأسود، لو جوزك أسد متوحش روضيه، وأوعي تنسي إن اللي خلفته في الأساس ست، وأنتي ست، وبكره ابنك هيكون زي أبوه، وهنا بقي عاملي جوزك زي ما تحبي مرات ابنك تعمل ابنك.. وخليكي فاكرة إنك نص المجتمع وبتخلفي وتربي النص التاني باختصار الحتة اللي ناقصة من عقلك هي العقل الكامل للراجل اللي قدامك، أوعي تفشلي في استقرار بيتك وإلا هتكوني من الخاسرين".