فتحت الإعلامية أميرة عبيد، النار على الإعلامي أسامة منير، بعد تداول مقطع فيديو له على مواقع التواصل الاجتماعي، يشبه الرجال بالكلاب، وذلك خلال حديثه عن العلاقة العاطفية بين الرجل والمرأة.

وأضافت أميرة عبيد خلال تقديم برنامج "هي وهما" على قناة الحدث اليوم، "والله يا أستاذ أسامة إحنا رجالة بلدنا رجالة قوي مش كلاب، ولو دي وجهة نظرك أنت حر، بس متقولش كده على الهوا عشان عيب وميصحش، الرجل ده يبقى أخويا وأبويا وخالي وعمي، ميصحش يا أستاذ أسامة تشبهم التشبيه ده".

وتابعت: "حضرتك إعلامي محترم وتنور أي برنامج في الدنيا، متخليش حد يكسب شهرة ومشاهدة على حساب تاريخك، وأنا بعترف إن حضرتك أستاذ كبير وفوق راسي، ولكن يجب على حضرتك الاعتذار لكل رجل لأنك أهنت رجالة بلدي اللي حضرتك واحد منهم، أرجو قبول النقذ البناء، لأن ده دوري هنا، وحق جمهوري عليا".