عرض الإعلامي محمد موسى، مقطع فيديو جرى تداوله بصورة كبيرة على مواقع التواصل الاجتماعي للشيخ محمد متولي الشعراوي يتحدث فيه عن عدم التواكل ودعم الحكومة لبعض السلع ومنها رغيف العيش.

وقال محمد موسى خلال تقديم برنامج "خط أحمر" على قناة الحدث اليوم، "كلام الشيخ الشعراوي درس من دروس الحياة اللي كل يوم بنتعلمها وهو مقنع جدا وضروري كل واحد فينا عشان بلادنا تكبر وتنهض يشتري اللي هو عايزه وبالكمية اللي هيحتاجها بس، ليه لما أكون بشتري فاكهة ولا عيش لبيتي أروح اشتري بالـ30 و40 رغيف، وأقول لما يكون فيه أحسن ما يكون مفيش، ما أخد على قد حاجتي وخلاص.. ايه اللي يخليني أخد أكتر من اللي محتاجه انا وعيالي".

وأضاف، "الحكاية اللي حكاها الإمام الشعراوي عن الحاكم اللي خد من ناس حاجات عشان يبني لهم بلادهم وبعد ما بنى البلد ليهم رجعلهم كل حاجة خدها منهم بل بالعكس كمان إنه عيش شعبه في رخاء.. وهو ده المطلوب مننا كمصريين إننا نقف جنب بلادنا ونساند التنمية اللي بتحصل في بلادنا".